الدكتور احمد سرحان Dr-Ahmed Sarhan

دنيا الثقافة وعالم الابداع


    أبيات من الشعر العامى لمواهب جديدة

    شاطر

    أبيات من الشعر العامى لمواهب جديدة

    مُساهمة من طرف Admin في الجمعة فبراير 27, 2009 10:55 am

    حد شريكى
    أنا متفائل ..حد شريكى
    شايف ورد يا بلدى ماليكى
    و المستقبل نوره بيضوى
    بينادى عليه و عليكى
    ********
    ناس بيقولوا لا حول الله
    كان واد عاقل و خِسرناه
    أدى آخرة كتمان الصوت
    ف بلد أنـِّت فيـها الآه !!
    ********
    أنا يا خوانا ما نيش مجنون
    و اتأملوا ف نظام الكون
    و ازاى داير بيكو و بِيَّه
    توصلوا حالا" للمضمون
    **********
    اللى بيعلا و يعلا و يعلا
    حتمن ينزل و الله أعلى
    قاعدة علميَّة و أزلِيَّة
    و حكمة خالق ليكو يا جهلة
    ********
    و اللى بينزل سابع أرضْ
    و يبيع روحُه و يَّا العرضْ
    و يطاطى سنين لجل ما يسلـَم
    بكرة لزمن يعلن رفضْ
    و ايش رح يخسر ما هو خسرانْ
    و لامتّى حيفضل نعسانْ
    يوم رح يصحى و يٍِِقِيم ضهرُه
    ما هو كده خَلقُه الرحـــمن
    ********
    و ف عتمتنا فى نور شقْ
    ف جوف الظلم صرخ الحقْ
    أرض الذل طرحت لأْ
    بسحر الخير الشر أهو رقْ
    و العاصى على بابه دقْ
    ********
    و ربك وعد المظلوم نصُره
    مهمن كان مين ظلمُه و أسَرُه
    شرط نواجِهْ ..نصبح و احد
    أصل الكل ما يسهل كسْرُه
    **********
    و ارجع تانى أقول متفائل
    ليّه و ليكى
    حد ناوى
    يبقى شريكى؟!

    تأليف : هاله أحمد

    *******************************************************************************************************************
    أحلام أوهام - شريف عبد الباقة - مصر

    أحلام أوهـام بنعيش عــــــمرنا وبـنضحــك بـــيها علــى بعــضـنـا
    قالوا الحياه امل انا قلت أشوف بــــس الظـروف بتحكم دايـما أمرنا

    لـيه الجـومال والحـلوين حــايارا يصيبهم سهام الغـــزل زى الشظــايا

    وفيه ديابه بتنهش ليه لحم البرايا تغزل سمومها لحد ماتشوفهم عرايا

    معاك الحياه بلسم شفا مش شفيق بســعـاده القـاك حـــنون مش خانيق

    اقــدار عمرنا مابـنخـطــرهـــا ش والـــوان وطبــاع وخــــلاف موجـــود

    شـد فى كلام وسباب منتواصاش بأحــــــزان وصـــــدام ولطــــم خـدود

    عـارف معـنى الحــياه الحقــيقى وجودك وعـطـائـى معاك مالوش حدود

    باحــبال متينة مش حــبال الهوى مستـقبــلنا يكبر ونحقـق أمانـينـا سوى

    تـشاركني تقـولي ايه رأيـك يازيـنه مــش تـامـللى تشـــارك غير رأى نينا

    انا كــيان لـه احـسـاس مش صوره حـــس بــيا الحــياه مـش بـس كـوره

    ياسـلام لما اكـون بأحـزانى شاردة تــيجــى تــصــالـحنــى قــوام بــــوردة

    أنـســى بــــيها كـــل اللـــــــى فات قوام يروح فيها العتاب وانسى العذاب

    ماهو قـلبى موســوعه حـــنـان لو عرفت تترجمه هايوصلك بر الامان

    واقـول للعالم والـدنيا ابـدا مفيش أحـــلام! اوهــــام! فـــيها بـنـعــيــش

    شريف عبد الباقى -- مصر

    ******************************************************************************************************************************

    سلام يا أمى - شعبان عاشور - مصر


    سلام يااامي علي حالك وولدانك يشيل عن عينك الاحزان
    سلام يجلي ظلام الليل عن المسجد عن العشة عن الغيطان

    انا واقف علي بابك ابوس ايدك تقابليني خصيمك النبي العدنان
    غلبت يامي ارضيكي وسال دمعي علي خدي كما الوديان
    خدي روحي خدي عمري خدي قلبي وانا الكسبان
    داانا نفسي اهنيكي وتبقي للبلاد سلطان
    واطير ياامي ف سماكي واجبلك م القمر فدان
    وارجع اسمك الغالي واشوف نورك وعز زمان
    واخلي الصحرا مكسيه زهور وردي تغطيكي كما الفستان
    انا واقف علي بابك وباسال ليه وبزعقها في كل مكان

    ياامي ليه جفاكي الخير وفين نورك اديلو زمان؟
    وليه زرعك كما ضرعك صبح دبلان؟
    وشريان الحياه فيكي صبح تعبان
    وخدعوا الارض جابت اكل بالسرطان
    ويرضع منك الخنزير وطيرك م الضنا لهفان
    وكبدي جاع وولدي ف الشتا عريان
    مسبش فيكي فتفوته تقويني ولا ضله
    ولا قله تبل الريق وتروي طفلك العطشان
    وليه ياام قصرك تسنكه الغربان؟
    وليه ياام طين الارض خلوه للسجون حيطان؟
    وضلعك ليه ياام صار بعد الحنان قضبان؟
    وليه جبتي اخويا من الحشا سجان
    وشال ظلمي علي صدره ياامي نشان؟
    ودمي صار واوصالي علي راس الكلاب تيجان
    وقدمتيني ياامي علي صنيه لاولاد الخنا قربان
    ركبتي سفينه مش ليكي وخليتي السفيه ربان
    وادينا ف توه وف موجه بلا شطئان

    تعبت ياام رسيني دنا حيران
    وصدقتي ان انا كرهتك وانا ولهان
    واعيش غربه وانا واياك
    وانا براك جوايا واناجواك اعيش براك
    ف حضنك اشتهي دفاكي وانا ف ضلك اكون حران
    واقلقل نفسي من طينك وجدري فيك واروح لبعيد............
    واجيك مغلوب
    واجيك تايه
    واجيك غرقان
    تعزيني وتبكيني وصيواني متين فدان
    وانا ف حياتي كان يغنيني كام قصبه من الفدان

    وف الصيوان لسان وودان :
    وناس كسره علي كسره و اشوف نسوان
    وشخشيخه وطبيله وزمارة مع الصبيان
    واشوف استاذ وجنبه ع الهوا ابله
    بعين مش عين من البترول عزيزة واسمها عبله
    وصوته كبير يقول مظلوم بني الانسان
    وهيه تقول يادي الاحراج طلع عريان .....

    وشيخ عالم وجنبه ف المقام سكران
    ورقاصه ف عز سنينك الهبله
    بقت قبله ومسنوده من الديوان
    بيحموكي بهز الوسط والطبله
    يعزوكي ف ولدك اللي مات فطسان
    وولدك اللي مات جيعان
    وولدك اللي كان قبره عماره تابوت من الخرسان
    وولدك اللي مات محروق ف علبه حديد سنين تجري علي قضبان
    وولدك اللي قال الحق بات مشنوق علي العيدان
    وولدك اللي مات مكمود بايد ولدك ورا القضبان
    وولدك اللي مات مردوم وكان صاحي هنا وزمان بايد( ديان)
    وقتالي يعزيكي تبشيلوسلام واحضان
    نكرتي كل نعم الله ياامي عدا النسيان

    كلام مسموع وغيره كتير ورا الحيطان

    دا كان فسدان
    وواد بطال وواد خرفان
    وواد مش راضي بنصيبه مشي طفشان
    من الاحكام
    بلا فلقة دا كان هربان
    وابو طبله يواسيني وانا زعلان
    مساء الخيييييييير ,
    خلاص روق ياشيخ شعبان

    وف الاخر وانا ميت طلعت ياام انا الغلطان
    صحيح ياام اموت في هواك وانا الغلطان انا

      الوقت/التاريخ الآن هو الجمعة أكتوبر 19, 2018 10:23 pm