الدكتور احمد سرحان Dr-Ahmed Sarhan

دنيا الثقافة وعالم الابداع


    لساني شايف

    شاطر

    لساني شايف

    مُساهمة من طرف مؤرخ الزمان في الإثنين أغسطس 20, 2012 3:29 pm

    لِسْاني شايف
    صوت عيونك
    اهرب وانا شامم
    جواه ملامحي

    والمس هواكي اللى اترسم
    فوق ماية العتمة
    اللى بتنور جوارحي

    واطردِك من جوه دمعي
    ....
    واطردِك من جوه دمعي
    واقتل الحلم اللعين
    وافتكر ايام غروري
    ههه
    افتكر لهفة حنين
    اكسر مراية غربتي
    ابكي
    اتوه وسط السنين
    تجاعيد مرايتي مبلمة
    ساكتة ... بتصرخ
    انت مين؟؟
    شايف غرامي اللى اتخنق؟
    خايف ... يعيش
    خايف من الحزن اللى عشش
    فوق جبيني
    مرتين

    يوم ما جيتي بغربتك
    اعلنت يومها انتحاري
    ومسحت منها الأسئلة
    ونسيت انا ....
    يومها قراري

    شاعر المجهول(مؤرخ الزمان)

      الوقت/التاريخ الآن هو الجمعة ديسمبر 14, 2018 11:02 am